Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Версія Васкрасенскага пра тройку сусветных лідараў па суіцыдах не супала з рэальнасцю
Еўропа ці Азія з Афрыкай?
Першая тройка краін па колькасці самагубстваў на душу насельніцтва — гэта Літва, Латвія і Паўднёвая Карэя, распавёў у эфіры праграмы «Азаронак. Наўпрост» палітолаг Юрый Васкрасенскі. Журналісты Weekly Top Fake параўналі яго рэйтынг з афіцыйным і знайшлі адрозненні.
Літоўскую і латвійскую «безнадзейнасць» вядоўца Рыгор Азаронак і палітолаг Юрый Васкрасенскі абмеркавалі ў праграме «Азаронак. Наўпрост» 10 лістапада 2025 года.
«Народ співаецца, народ з'язджае. І калі якая мярзота змагарская, навальнісцкая ці бандэраўская ў каментарах адкрые свой рот, то мы яго прыпячатаем аб'ектыўнай навукай — статыстыкай. Хто і якая краіна знаходзіцца цяпер на першым месцы па колькасці самагубстваў на душу насельніцтва? Гэта Літва. Вы будзеце ў шоку: першая тройка — гэта Літва, Латвія, Паўднёвая Карэя», — падзяліўся нібыта афіцыйнымі дадзенымі палітолаг.
здароўя (САЗ) — за 2021 год — і высветліла, што Васкрасенскі памыліўся. Сапраўды, у тройцы краін-лідараў па ўзроўні самагубстваў ёсць Паўднёвая Карэя — яна займае другое месца з паказнікам 27,5 суіцыду на 100 тысяч чалавек. Але Літвы і Латвіі сярод лідараў няма. На першай і другой пазіцыі дзяржавы з Паўднёвай Афрыкі — Лесота і Эсватыні.
Для складання рэйтынгу САЗ ацэньвае больш за 180 краін і тэрыторыяў. Літва сярод іх знаходзіцца на восьмым радку з паказнікам 22,1 чалавека на сто тысяч. З еўрапейскіх краін яна — першая ў спісе. Але Васкрасенскі не сказаў, што за ёй ідуць Расея і Украіна, іх паказнік самагубстваў толькі трохі ніжэй — 21,4 і 21,2 адпаведна.
Латвія ж у сусветным рэйтынгу знаходзіцца на 26 месцы, на адзін радок адстаючы ад Беларусі. У нашай краіне на сто тысяч чалавек даводзіцца 15,6 самагубства.
