Пра размеркаванне дапамогі Украіне Анатоль Булаўка згадаў у праграме «PRO Армію» на ютуб-канале «СБ ТБ» 4 красавіка 2025 года.
«Значна прасцей, пэўна, напампоўваць Украіну ўзбраеннем, добра, яно яшчэ ёсць. …
Але я катэгарычна не згодны з тым, каб гэта называць дапамогай. Гэта не дапамога, гэта ўсё адно, што тапельцу кінуць лом ратаўнічы ці гантэлю. Гэта не дапамога. А рэальная менавіта дапамога — на сацыяльныя праекты нейкія, на падтрымку мірнага насельніцтва. Гэта чо, ёсць? Калі гэта ў мізэрных колькасцях і ёсць, то да канчатковага спажыўца яно фактычна не даходзіць», — падагульніў Булаўка.
За апошнія тры гады, паводле дадзеных нямецкага Інстытуту сусветнай эканомікі ў Кілі (адзін з найбольш уплывовых аналітычных цэнтраў у свеце), апублікаваным у лютым 2025 года, заходнія краіны-донары вылучылі Украіне каля €267 млрд. З іх на вайсковыя мэты пайшло менш паловы, 44% выдаткавалі на падтрымку дзяржавы, яшчэ 7% — на гуманітарную дапамогу.
Сярод прыкладаў, куды Украіна скіроўвала фінансавую дапамогу Еўразвязу ў 2023 годзе: выплаты заробкаў і пенсіяў, аднаўленне інфраструктуры, праца шпіталяў і школ, падтрыманне макраэканамічнай стабільнасці дзяржавы.