«Каб у тэрміновым парадку замяніць цяперашняга вытворцу», VMI звярнулася ў Дэпартамент дзяржаўнай бяспекі Літвы з просьбай датэрмінова скасаваць кантракт з Garsų pasaulis. Ён павінен быў дзейнічаць да канца гэтага года.
Раней шматгадовага манапаліста па друку бланкаў літоўскіх пашпартоў Garsų pasaulis пазбавілі сертыфікату даверу, а Цэнтр выдачы асабістых дакументаў пры МУС Літвы скасаваў дамову з кампаніяй. Гэта здарылася пасля расследавання БРЦ і 15min.lt пра яе сувязь з «гаманцом» Аляксандра Лукашэнкі. Пры гэтым у Garsų pasaulis заявілі, што не згодныя з рашэннем уладаў і будуць звяртацца ў суд.
У траўні БРЦ сумесна з 15min.lt высветлілі, што Garsų pasaulis звязаная з Віктарам Шаўцовым — беларускім бізнесоўцам, які манапалізаваў вытворчасць ахоўных галаграмаў у Беларусі і трапіў пад санкцыі ЕЗ і Швейцарыі як «гаманец» Аляксандра Лукашэнкі.
Garsų pasaulis раней ужо была ўцягнутая ў карупцыйныя скандалы ў Кыргызстане, Дэмакратычнай Рэспубліцы Конга і Малдове. Яе таксама выбралі для друку пашпартоў Новай Беларусі.
У артыкуле 15min.lt ад 1 кастрычніка са спасылкай на прадстаўніцу Garsų pasaulis паведамляецца, што кампанія падпісала мемарандум аб намерах з Аб'яднаным пераходным Кабінетам. 27 верасня галоўны дарадца Святланы Ціханоўскай Франак Вячорка паведаміў БРЦ, што яе Офіс кансультуецца з літоўскімі ўладамі ў пытанні выбару альтэрнатыўнага пастаўшчыка бланкаў пашпарту Новай Беларусі.
Іншыя Навіны
«Аўтары будуць адпраўлены па маршруце з трох літар». Генпракуратура Абхазіі адказала на запыт БРЦ
У верасні 2022 года Аляксандр Лукашэнка наведаў Абхазію і сустрэўся з яе лідарам Асланам Бжанія.
Крамлёўская фабрыка фэйкаў спрабавала палохаць хаўрусам Лукашэнкі і ПВК «Вагнер»
«Агенцтва сацыяльнага праектавання» (АСП) знаходзіцца пад санкцыямі ЕЗ і ЗША.
